Kai Sotto 'malabo na' makasali sa Gilas para sa FIBA Asia Cup
MANILA, Philippines — Kung si Gilas coach Chot Reyes ang tatanungin, “malabong” maglaro para sa Gilas Pilipinas sa FIBA Asia Cup ang tanyag na basketbolistang si Kai Sotto.
Sa panayam ng media nitong Linggo matapos ang FIBA World Cup Asian qualifying game sa pagitan ng Gilas Pilipinas at India, sinabi ni Reyes na sinubukan na daw nilang kausapin ang 7’2 Center ngunit hindi pa raw siya nagbigay ng sagot.
“Mukhang wala na. He has decided to do some other things and forego the FIBA Asia Cup. We have [been communicating] and they said no," ani coach Chot kahapon.
"Well, they haven't said no but they're not saying yes. If it's not a yes, we already know what it is. We're still hoping, but to be very honest, medyo malabo."
Matatandaang sinabi ni Joel Bell, agent ni Kai, na desidido na siya maglaro para sa Gilas.
“I’ve already gotten several Summer League invites for him but Kai decided to play for the Philippine National Team, that’s his commitment, he’s very dedicated toward Filipino activities so he’s gonna pass up Summer League,” sinabi ni Bell sa Isang interview sa Playitright TV matapos hindi mapili si Sotto sa 2022 NBA Draft.
Matapos ang ilang oras, inilinaw ng former Adelaide 36er sa isang tweet na na mali daw ng nasabi ang agent.
"No decision has been made about me not playing in the Summer League. My agent misspoke,” sinabi ni Sotto sa June 25.
Umaasa si Sotto na maging kauna unahang natural-born na Filipino na maglaro sa NBA. — Philstar.com intern Jomarc Corpuz
- Latest
