Gobert hinugot ng Wolves sa Jazz
MINNEAPOLIS - May ‘Twin Towers’ na ngayon ang Minnesota Timberwolves.
Hinugot ng Timberwolves si center Rudy Gobert mula sa Utah Jazz kapalit ng apat na first-round picks kasama sina No. 22 draft pick Walker Kessler, Patrick Beverley, Jarred Vanderbilt at Malik Beasley.
Nagposte ang three-time Defensive Player of the Year na si Gobert ng mga average na 15.6 points per game, league-leading 14.7 rebounds at 2.1 blocks para sa Jazz sa nakaraang season.
Makakatambal ni Gobert sa Minnesota si slotman Karl-Anthony Towns kasama sina D’Angelo Russell at Anthony Edwards.
Samantala, kinuha ng Boston Celtics si combo guard Malcolm Brogdon mula sa Indiana Pacers kapalit nina Daniel Theis, Aaron Nesmith, Nic Stauskas, Juwan Morgan at Malik Fitts.
Sa Chicago, pumayag si two-time All-Star Zach LaVine sa five-year maximum deal na nagkakahalaga ng $215 milyon para manatili sa Bulls.
Mananatili rin sina Devin Booker at Ja Morant sa Phoenix Suns at Memphis Grizzlies matapos pirmahan ang four-year, $224 million deal at five-year, $193 million extension, ayon sa pagkakasunod.
- Latest