Lady Blazers lalapit sa pag-sweep sa NCAA elims

MANILA, Philippines — Magtatangka rin ang season host na College of Saint Benilde na makalapit sa matamis na sweep sa pagharap sa Mapua Uni­ver­sity ngayong araw sa NCAA Season 97 women’s volleyball tournament sa Paco Arena sa Maynila.

Nakatakda ang engkuwentro ng Lady Blazers at Lady Cardinals sa alas-12 ng tanghali kasunod ang bakbakan ng Letran Lady Knights at nagdedepensang Arellano Lady Chiefs sa alas-2:30 ng hapon.

Namamayagpag ang St. Benilde sa standings ta­ngan ang malinis na 4-0 rekord para solohin ang li­derato.

Nakadikit sa No. 2 ang Arellano at San Sebastian na may magkaparehong 3-1 baraha.

Nagmula ang Lady Bla­zers mula sa 25-16, 25-16, 25-16 demolisyon sa Emilio Aguinaldo College Lady Generals noong Biyernes para itala ang kanilang ika­apat na dikit na panalo sa torneo.

Sa kabila ng pamama­yagpag ay naniniwala si St. Benilde head coach Jerry Yee na marami pang kailangang ayusin.

Ayaw ni Yee na ma­ging kampante ang Lady Bla­zers.

“We’re being complacent. This is not to be arro­gant or whatever but I’m lo­oking at the team and see what are the things that could possibly be our downfall and that’s what I see,” sabi ni Yee.

Wala pang dapat ipagdiwang ang St. Benilde sa kabila ng kanilang 4-0 kar­tada.

“I’m looking at the level of excitement of our game, and we’re kind of flat. I hope I don’t come off as un­satisfied and perfectio­nist. We’re just looking for the things we can work on,” ani Yee.

Mataas din ang moral ng Lady Cardinals na su­ma­sakay sa isang three-game winning streak.

Tinalo ng Lady Cardinals ang Perpetual Help La­dy Altas, 20-25, 25-22, 25-23, 13-25, 15-12, noong Biyernes para umangat sa No. 5 seat.