Dili na!
Believe it or not, retired na si Manny Pacquiao as a boxer.
‘Yan mismo ang sabi ni Pacman sa ating kaibigan na sportswriter ng Freeman sa Cebu, si Manny Villaruel.
Sinabi ni Pacquiao sa kanyang tukayo na tapos na ang boxing career niya.
“Dili nako mo-away,” sabi ng senador na nasa Cebu ngayon.
“Retire na,” dagdag niya.
Agad nating tinanong si Pacquiao mismo sa Viber kung talagang last fight na niya si Yordenis Ugas.
“Thank you pare,” ang sagot niya.
Kaya ngayon, paniwalaan muna natin ang mga salitang binitawan niya sa Cebu kung saan may mga political meetings siya.
Tatakbo kasi sa pagka-pangulo si Pacquiao sa 2022 kaya busy na siyang nag-iikot. Meeting dito, meeting doon.
Mukhang mahirap na isingit ang isang fight sa sobrang busy ng schedule niya mula ngayon hanggang sa May elections.
Pero pano naman ang naipangako niya sa mga kababayan niya na ang farewell fight niya ay dito gagawin sa bansa natin.
Abangan na lang siguro natin ang kalalabasan ng eleksyon.
Baka magbago ang ihip ng hangin.
- Latest
