Newsome pinatawan ng multang P20K
MANILA, Philippines — Pinagmulta ng PBA si Meralco star guard Chris Newsome ng P20,000 dahil sa flagrant foul 2 na itinawag sa kanya nang batuhin ng bola sa dibdib si Anthony Semerad ng NLEX sa kanilang laro kamakalawa sa Bacolor, Pampanga.
Nangyari ang komprontasyon nina Newsome at Semerad sa 10:38 minuto ng fourth quarter kung saan hawak ng Bolts ang 89-76 kalamangan laban sa Road Warriors.
Tinakasan ng Meralco ang NLEX, 104-101, para hablutin ang No. 2 spot kasama ang ‘twice-to-beat’ incentive sa eight-team quarterfinal round.
Ipinatawag kahapon ni Deputy Commissioner Eric Castro ang dating Rookie of the Year awardee na si Newsome para magpaliwanag.
Hindi pinatawan ng suspensyon ng liga si Newsome para sa laban ng Bolts sa nagdedepensang Ginebra Gin Kings kagabi.
Nagbalik sa aksyon si Newsome kasama si power forward Cliff Hodge matapos ma-quarantine dahil sa health and safety protocols ng liga.
- Latest