Carlo No. 2 na sa Money Maker list
MANILA, Philippines — Sumulong sa No. 2 spot si dating world champion Carlo Biado sa Money Maker List ng Az Billiards.
Sariwa pa sa matamis na kampeonato si Biado sa prestihiyosong US Open 9-Ball Pool Championship kung saan nagbulsa ito ng $50,000 premyo.
Dahil sa kanyang naibulsang premyo sa US Open, lumobo sa $78,754 ang kabuuang cash prize na nalilikom nito sa taong ito.
May 12 spots ang inilundag niya mula sa kanyang dating ranking na No. 14 patungong No. 2 position.
Napasakamay ni Biado ang korona sa US Open matapos iselyo ang 13-8 come-from-behind win laban kay Alysius Yapp ng Singapore sa kanilang championship showdown.
Hawak naman ni dating world champion Dennis Orcollo ang unang puwesto sa Money Maker List matapos makalikom ng $100,895 kabuuang premyo.
Pasok din sa Top 10 si Warren Kiamco na nasa ika-10 bitbit ang $36,015 cash prize.
Kasama rin sa Top 10 sina No. 2 Shane Van Boening ng Amerika ($76,720) Albin Ouschan ng Austria ($72,705), Omar Al Shaheen ng Kuwait ($51,430), Eklent Kaci ng Albania ($50,457), Joshua Filler ng Germany ($50,045), Fedor Gorst ng Russia ($45,202) at Naoyuki Oi ng Japan ($43,800).
- Latest