Disente pero ayaw tumanggap ng pagkatalo?
Tila isang kabobohan itong paggamit ng salitang presumptive president. Ibig sabihin pinapalagay at inaakalang presidente.
Sa dictionary, ang depinisyon ng presumptive ay: the nature of a presumption; presumed in the absence of further information. Sa Tagalog ay pinapalagay, inaakala sa kakulangan ng mga impormasyon.
Subalit ang naganap ay eleksiyon na may mga datos at hindi basta impormasyon lamang. Kaya anong kabobohan sa kung sino man ang nag-umpisang gumamit sa media ng presumptive president.
Ang pagiging bobo nga pala ay isang estado ng kaalaman. Hindi ko maintindihan kung ito ba ay sinasadya dahil may dahilan ang gumagamit ng salita—may pangyayari na hindi matanggap o ayaw talagang tanggapin.
Garapalan na eh, wala nang kortesiya. When in fact, with the numbers of Comelec and PPCRV, there’s certainty and surety on the winners.
Kaya papaanong magiging presumptive kung titingnan natin ang mga numerong inilabas sa publiko ng Comelec at PPCRV?
Milya-milya ang layo, milyun-milyon ang lamang kaya dapat, incoming president-elect at hindi presumptive president.
* * *
Sabi noong Biyernes ng mga nagpa-thanksgiving tanggap na raw nila ang desisyon ng 31 milyong botante.
Subalit isang bagay ang hindi pa maririnig sa kampong ito na hinihintay ng 31 million voters mula sa buong Pilipinas at buong mundo—‘yung pagbati o congratulatory message doon sa kanilang katunggali na nanalo.
Imbes kasi na sabihing suportahan ang bagong administrasyon, nagmalaki pa. ‘Yung tinatawag nilang thanksgiving event, tila naging isang political rally.
Ibinida ang “Angat-Buhay Program”. Subalit paano maiaangat ang buhay ng mga tao kung ang sarili nila ay hindi maiangat sa sobrang pagka-bitter?
Anong nangyari sa pagiging disente’t statesman? Sabi sa diksiyunaryo, stateman is a wise, skillful and respected political leader.
Ibig sabihin, sa kilos at gawa ay alam kung ano ang dapat gawin at marunong tumanggap ng pagkatalo. Hindi ‘yung nagmamalaki pa.
Statesman ba ‘yun?
- Latest
