Away ng PnB at STL sa Cagayan, grabe na!
Hindi na maganda ang pagkukumpetensiya ng Peryahan ng Bayan (PnB) at Small Town Lottery (STL) sa Cagayan. Matindi na ang away sa negosyo ng dalawa!
Bakit pinapayagan ng Philippine Charity Sweepstakes Office (PCSO) at Malacañang officials ang ganito? Kuwestiyonable ang operasyon ng dalawa.
Noong 2016, binawi ng PCSO ang deed of authority ng Globaltech Mobile Online Corporation na nagbibigay permiso sa PnB.
Ibinibitin ng PCSO ang mandatong binigay ng Court of Appeals para sumailalim ang dalawa sa arbitration upang resolbahin ang isyu.
Magpipitong taon na ang arbitration process subalit hindi matuldukan kung dapat nga bang magpatakbo ng loterya ang Globaltech.
Sinasadya ba ang hindi pagresolba sa arbitration process para magpatuloy ang operasyon ng PnB?
Samantala, ang STL ng Charity Games of Chance Corporation (CGCC) ay ipinasasara subalit nakapagtatakang hindi naman isinasara ng pamunuan ng PNP-Region 2.
Ito ay sa kabila na bilyong piso ang utang nito sa gobyerno. Takot ba sila sa mga dating opisyal na matataas ang ranggo sa military?
Walang epekto sa kanila ang away ng PnB at STL basta sagana sa pakinabang mula kay “BC” at “generals”.
Wala man lang marinig ang mamamayan sa nakapiring ng mga lingkod ng bayan.
* * *
Para sa suhestiyon: [email protected]
- Latest
