PNP-HPG pinaigting ang kampanya vs gumagamit ng blinkers, wang-wang
MANILA, Philippines — Inatasan ni Philippine Natiobl Police-Officer in Charge Lt.Gen Vicente Danao ang PNP-HPG na paigtingin ang kampanya laban sa mga motorista na gumagamit ng blinkers at wawang.
Ayon kay PMGen. Valeriano De Leon, dapat na maipatupad ng batas laban sa paggamit ng mga emergency device ng mga private vehicles.
Nakasaad sa Presidential Decree No. 96 na pirmado ng yumaong Pangulong Ferdinand Marcos, ng mga blinkers o wangwang ay pinapahintulutan lamang sa Armed Forces of the Philippines, National Bureau of Investigation, Land Transportation Office, Philippine National Police, Bureau of Fire Protection at mga ambulansiya.
Umapela si De leon sa mga may- ari ng sasakyan na tanggalin na ang mga wangwang at blinkers dahil hindi nila papayagan ang mga ito na labagin ang batas.
Makikipag-ugnayan ang PNP-hpg sa Land Transportation Office, Metropolitan Manila Development Authority at mga local government units (LGUs) sa pamamagitan ng kanilang traffic enforcement bureaus upang sabay-sabay at tuluy-tuloy ang implementasyon nito sa buong bansa.
Nagbabala rin si De Leon sa mga nagbebenta at nagkakabit ng wang wang at blinker na maging sila ay aarestuhin at mananagot sa batas.
Dahil dito, inalerto rin ni De Leon ang mga police commanders na imonitor ang mga establisimyento na nagbebenta at nagkakabit ng mga emergency device sa kani-kanilang nasasakupan na posibleng sampahan ng kaso.
- Latest