GLNF Scottish Mason, MPD Station 12 namahagi ng food packs sa Parola
MANILA, Philippines — Umaabot sa 270 pamilya ang nabigyan ng food packs sa isinagawang Outreach Program ng mga grupo ng Gran Logia Nacional De Filipinas Logia, Jose P Rizal NU 1, JT International Philippines at ng Manila Police District (MPD) Station 12.
Ayon kay Venerable Maestre James Lagasca, maliit na tulong lamang aniya ito sa ilang pamilya sa Parola sa Tondo, Maynila na mas lalo pang pinadapa ng pandemya. Aniya, maraming maliliit na empleyado ang nawalan ng kabuhayan kaya minabuti nilang bahagian ang ilang pamilya na nawalan ng trabaho.
Target ding mamahagi ng GNLF Scottish Mason sa ibang lugar sa Maynila.
Sinabi naman ni MPD Station 12 chief Lt. Col. Paul Doles na sisikapin nilang mapanatili ang pagpapatupad ng mga health ptorocols at seguridad sa kanyang nasasakupan. Aniya, 24/7 na nag-iikot ang kanyang mga tauhan upang paalalahanan ang mga residente na nananatili ang pandemya at ipinagbabawal ang paglabas ng bahay. Kasama sa outreach program ng GNLF sina Premera Vigilante Alfredo R Fabian III, Segunada Vigilante, Elgene Tichingbon at Secretario Jonathan Leonardo.
- Latest
