Bebot huli sa P5 milyong shabu
MANILA, Philippines — Nasa P5-milyong halaga ng shabu ang nakumpiska sa isang babaeng sa isinagawang buy-bust operation ng mga tauhan ng Philippine National Police-Drug Enforcement Group, at Pasay City Police Station sa nabanggit na lungsod kamakalawa.
Kinilala ni P/Brig General Remus Medina, director ng PNP-DEG ang suspek na si Madonna B. Romaguera, residente ng Marulas B. 1440, Caloocan City.
Sa ulat, dakong ala-1:00 ng hapon nang maisagawa ang buy-bust operation sa Pasay City kung saan nakumpiska ang nasa 700 gramo ng shabu, na nasa P4,760,000 ang halaga.
Una umanong nakipagkasundo ang suspek sa poseur-buyer na magkita sa bahagi ng Quiapo sa Maynila at nagpasiya ang suspek na sa Pasay na lamang magpalitan ng droga at pera.
- Latest