2 Chinese huli sa robbery extortion
MANILA, Philippines — Arestado sa entrapment operation ang dalawang Chinese nationals na inireklamo sa pangho-hostage ng passport at visa ng kanilang dating empleyado, kapalit ng P1-milyon sa Parañaque City, Martes ng gabi.
Nahaharap sa kasong robbery extortion ang mga naarestong suspek na sina Caimu Chen, 41 at Qiao Zhuhua, 25, ayon kay Southern Police District (SPD) Director P/Brig. General Jimili Macaraeg.
Sa ulat, dakong alas-9:00 ng gabi kamakalawa nang isagawa ang entrapment ng mga awtoridad ang entrapment laban sa mga suspek sa Ninoy Aquino Avenue, Barangay San Dionisio, Parañaque City.
Bago ang pag-aresto, nagpasaklolo ang biktimang kinilalang si Li Menghai sa Parañaque Police matapos hingan umano siya ng P1,000,000 ng mga suspect kapalit ng hinihingi niyang passport at visa na kinokontrol ng mga suspek na dating naging employer.
Nang dumating na ang biktima sa lugar na napagkasunduan nila ng mga dating amo, inutusan siyang pumasok sa sasakyan at doon iabot ang pera.
Nang maibigay na ang pera ay nagbigay ng sign ang biktima sa mga nakaposteng operatiba na agad lumapit ang mga pulis at dinakip ang mga suspek.
Narekober sa operasyon ang Chinese passport at Visa ng biktima; isang Toyota Alphard na puti, walong bundle ng tig P1-libong boodle money.
- Latest