NCR, ‘very low risk’ na sa COVID-19 - OCTA
MANILA, Philippines — ‘Very low risk’ na sa COVID-19 ang National Capital Region (NCR) batay sa latest report ng OCTA Research Group.
Ayon kay Dr. Guido David ng OCTA Group, nagkaroon ng malaking improvement ang mga datos mula Nobyembre 26 hanggang Disyembre 2 kumpara sa kaparehong panahon noong 2020.
Batay anya ito sa kanilang metrics kung ikukumpara ang bilang ng kaso ng COVID ngayong linggo sa bilang nito noong nagdaang linggo.
Sinabi ni David na umaabot na lamang sa 138 ang average na naitatalang bagong kaso ng COVID-19 kada araw mula Nobyembre 26 hanggang Disyembre 2, 2021 kumpara sa 416 noong 2020.
Anya, may 0.36 ang reproduction number ngayong taon kumpara sa 0.94 noong 2020 habang ang daily attack rate per 100,000 ay 0.97 na mas mababa kaysa sa 2.94 noong nakaraang taon.
Umaabot na lamang anya sa 1.2 percent ang positive rate ngayong 2021 mula sa 3.9% noong 2020.
Sa ngayon ang NCR ay nananatiling nasa Alert Level 2 hanggang Disyembre 15, 2021. —Danilo Garcia
- Latest