Kotse salpok sa puno: 2 patay
MANILA, Philippines — Dalawa ang nasawi habang dalawa pa ang nasugatan nang bumangga sa isang puno ang sinasakyan nilang kotse sa Alabang-Zapote Road sa Las Piñas kahapon ng madaling araw.
Kapwa dead-on-arrival sa ospital ang mga biktimang sina Reynaldo Regalado Jr., 52 at Carl Jayson Sta Ana, 31.
Sugatan naman ang dalawa pang sakay din ng Toyota Vios na sina Rona Mae Regalado Glean, 25 at Ronald Regalado Glean Jr. 16.
Sa inisyal na ulat ng Southern Police District (SPD), dakong alas-2:15 ng madaling araw nang bumangga sa isang puno ang minamanehong Toyota Vios ni Regalado habang bumabaybay sa may Alabang-Zapote Road patungo sa direksyon ng Alabang.
Sa tulin umano ng takbo nito unang itong sumalto sa bangketa at kumalas ang gulong hanggang sa tuluyang bumangga sa isang puno.
Iniimbestigahan pa kung nakainom ang mga biktima.
- Latest
