3.14 milyong pensyonado tatanggap na ng ‘year end’ pension sa SSS

MANILA, Philippines — Matatanggap na ng may 3.14 milyong pensioners ng Social Security System (SSS) ang kanilang year end pension sa unang linggo ng Disyembre ngayong taon.

Ayon kay SSS President and chief executive officer Aurora Ignacio, may P27.5 bilyong halaga ng pension ang takdang ipagkaloob ngayong unang linggo ng Disyembre para sa mga pensioners.

Anya, nakipag-ugnayan na ang ahensiya sa kanilang partner banks para maipagkaloob na agad ang pension sa takdang panahon at magamit na ng mga pensioners ang pondo ngayong holiday season.

Sa mga pensioners na tumatanggap ng pension sa pamamagitan ng tseke ay kinausap na ng SSS ang Philippine Postal Corporation na mapabilis ang pagdadala ng kanilang pension.