Rehab program sa Navotas, higit 200 drug users nagtapos

MANILA, Philippines — Nasa 219 mga drug ­users ang nakapagtapos mula sa ‘Bidahan’, ang community-based treatment at rehabilitation program ng pamahalaang lungsod ng Navotas kung saan 13 dito ay children in conflict with the law (CICL).

Ayon kay Navotas City Mayor Toby Tiangco, sumailalim ang nagtapos sa anim na buwan online at limited face-to-face counseling ay isinagawa ng Navotas Anti-Drug Abuse Council (NADAC) katuwang ang Narcotics Anonymous.

Samantala, ang 41 naunang nakatapos sa ‘Bidahan’ ay nakakumpleto ng anim na buwan aftercare program, at 10 ang nakatapos sa 18 months follow-up counseling sessions.

Ani Tiangco maagang pamasko ito ng mga PWUDs sa kanilang pamilya dahil pinili ng mga ito na magbago.