Presyo ng petrolyo, sumirit pa
MANILA, Philippines — Sa ika-walong ulit na pagkakataon muling sumirit ang presyo ng produktong petrolyo kahapon.
Ang dagdag na presyong P1.80 sa bawat litro ng gasolina, P1.50 sa diesel at P1.30 naman sa kerosene ay ipatutupad ng major at independent oil companies ngayong Martes.
Pagsapit pa lang ng alas-12:01 ng umaga ng Oktubre 19, 2021 ay sisimulan na ang paiiraling presyo ng Chevron Philippines habang ang Pilipinas Shell, Petron Corporation at Seaoil ay magsisimula naman alas-6:00 ng umaga.
Ang PTT Philippines, Petro Gazz, Total Philippines, Phoenix Petroleum, Unioil at Eastern Petroleum ay nag-anunsiyo rin na ipatutupad din ang nasabing dagdag presyo sa gasolina at diesel bagama’t wala silang ibinebentang kerosene na sisimulan bandang alas-6:00 din ng umaga.
Ang Clean Fuel naman na ganun din ang paiiraling presyo ay magsisimula alas 4:01 ng hapon.
Sinabi ni PTT Communication Officer Jhay Julian na ang patuloy na pagtaas ay bunga ng galawan ng presyo sa pandaigdigang merkado.
- Latest