Duterte iniutos imbestigahan ang Bree Jonson case
MANILA, Philippines — Maging si Pangulong Rodrigo Duterte ay nais malaman kung ano ang nangyari sa kontrobersiyal na pagkasawi ng Pinay artist na si Breana “Bree” Jonson.
Sa online press briefing kinumpirma ni presidential spokesperson Harry Roque na alam ng Pangulo ang kaso ng pagkamatay ng 30-taong gulang na si Jonson.
Sinabi ni Roque na pinatitiyak din ni Duterte na mabibigyan ng hustisya ang biktima.
“Yes and he has instructed the criminal justice system of the country to accord the victim justice,” ani Roque.
Pero dapat aniyang malaman kung ano talaga ang nangyari kaya masusi itong pinaiimbestigahan.
“Pero kinakailangan po, hayaan nating (malaman) kung ano talaga ang nangyari,” ano Roque.
Matatandaan na natagpuan ang walang malay na si Jonson sa loob ng isang hostel room sa San Juan, La Union kung saan nakasama niya si Julian Roberto Ongpin noong Setyembre 18.
Dinala si Jonson sa ospital pero idineklarang patay na.
Si Ongpin ay anak ng negosyante at dating trade minister Roberto Ongpin.
Iniutos ng mga prosecutors na siya ay pakawalan.
Base sa inisyal na imbestigasyon nag-suicide umano si Jonson. Napaulat din na may nakitang 12.6 gramo ng cocaine sa kuwartong tinuluyan nina Jonson at Ongpin.
- Latest