Bentahan ng face shield sa Divisoria, bagsak presyo na

MANILA, Philippines — Matumal at bagsak-presyo na ang mga ibi­nibentang face shield sa Divisoria matapos  luwagan ni Pangulong Rodrigo Duterte ang paggamit sa face shield na kung saan hindi na oobligahin ang pagsusuot nito  sa labas ng bahay.

Matatandaang sa mga lugar na nasa ilalim ng kategoryang 3Cs, o closed, crowded at close contact areas na lamang kailangan magsuot ng face shield.

Halimbawa na lamang sa Divisoria, marami na agad na mga mamimili ang hindi na nagsusuotnag-suot ng face shield sa kanilang paglabas ng bahay.

Matinding dagok naman sa mga tindero ng face shield ang paglagpak ng presyo nito na ngayon ay nasa anim na piso na lamang kada piraso ang benta nila.

Ayon sa isang vendor ng face shield sa binabaan na nila ang presyo na mula sa P7 hanggang P10 ay nasa P5 hanggang P6 na lamang ang bentahan nila.

Anya, kung dati-rati ay umaabot sa 5,000 piraso ng face shield ang kanyang nabebenta kada-araw pero ngayon ay ilang piraso pa lamang ang kanyang nabebenta.

Magugunita na na-ging argumento kama­kailan kung epektibo ang paggamit ng face shield na maging ang World Health Organization ay walang rekomen­dasyon sa paggamit nito.