P2.5 milyong nasamsam sa drug-bust

MANILA, Philippines — Tinatayang mahigit sa  P2.5 milyon ang halaga ng ilegal na droga ang nasamsam sa isinagawang buy-bust operation ng Parañaque Drug Enforcement Unit  at pagkakadakip sa isang suspect.

Kinilala ni Southern Police District (SPD) Director Police Brig. General Jimili Macaraeg ang suspek na si  Joey Sotto De Leon, residente ng  Pasay City.

Sa ulat ng Parañaque Police Station, dakong alas - 4:15 ng hapon nang isagawa ng buy-bust operation sa harapan ng  Original Sea Food Buil­ding, Market Roxas Blvd. Service Road North Bound, Brgy.  Baclaran, Parañaque City.

Nasa kabuuang 379 gramo ng shabu na may street value na nagkakahalaga ng ? 2.5 milyon ang nasamsam.

Inihahanda na ang kaso laban sa nadakip na suspect.