Matataas na kalibre ng baril, mga bala nasamsam sa buy-bust
MANILA, Philippines — Nasamsam ng mga tauhan ng Southern Police District Inteligence Division at District Special Operations Unit ang matataas na uri ng baril na hinihinalang ginamit ng mga grupong umatake sa Marawi, mula sa dalawang lalaki sa isinagawang magkahiwalay na operasyon sa Taguig at Mandaluyong City.
Sa isang press briefing na pinangunahan ni National Capital Region Police Office (NCRPO) chief, Police Major General Vicente Danao Jr.,kahapon nakilala ang mga nadakip na sina Nichol John Ofalsa Jerusalem, 30, ng Brgy. Katuparan,
Taguig City na dinakip alas -8:20 ng gabi at isang Bruce
Mendoza De Leon, 32, na nakatakas sa buy-bust operation sa Taguig subalit naaresto sa isinagawang follow-up operation sa Brgy. Concepcion, Mandaluyong City.
Nakumpiska kay Jerusalem ang isang Blackwater 5.56 assault rifle, isang Bushmaster 5.56 assault rifle n, isang Dublin 12 gauge shotgun, isang grenade launcher, isang Norinco AK47 assault rifle, walong mahahabang magazine ng 5.56 assault rifle, tatlong short magazine ng 5.56 assault rifle, tatlong AK47 magazine,isang rifle grenade at isang MK2 fragmentation grenade at kahon-kahong ng iba’t-bang uri ng bala.
Hindi na nakapalag pa ang mga suspect nang dakpin ng mga awtoridad.
Dagdag pa niya, ang mga narekober ay katulad din ng mga narekober nilang armas sa Marawi.
Nasamsam naman din kay De Leon ang iba’t-ibang mattats na kalibre ng baril at mga bala.
Nahaharap ang mga nadakip sa kasong paglabag sa Republic Act 10591 (Comprehensive Firearms and Ammunition Regulation Act of 2012), RA 9516 (Unlawful Possession of Firearms, Ammunition and Explosive) at Batas Pambansa 6 (Concealing Bladed Weapon).
- Latest