Cabochan, nanumpa sa Aksyon Demokratiko ni Isko
MANILA, Philippines — Pinili ng isang community development advocate na sumapi sa Aksyon Demokratiko sa planong pagtakbo sa May 2022 local election dahil sa paniniwalang nababagay ang kaniyang adhikain na makatulong sa mga mahihirap katulad ni party president na si Manila Mayor Isko Moreno na siyang nagpanumpa dito kahapon , bilang miyembro.
Si Jacob Cabochan, chief operating officer ng Pandayan Bookshop at kilalang community development advocate sa Pangalawang Distrito ng Caloocan City, ay pormal na kasapi ng nasabing partido.
Siya ay apo ni Gerry Cabochan, ang dating kinatawan ng nasabing distrito noong panahon ni President Corazon Aquino.
Naniniwala si Cabochan, ang mga programa ng Aksyon Demokratiko ay magpapasigla sa kanilang naitatag ng samahan, ang Pandayan ng Damdamin ng Bayan.
Sa kasalukuyan ang Pandayan ay may mahigit 10,000 kasapi nanagbayanihan para matulungan mga mahihirap, kung saan nakapag-donate sila ng 74,000 face shileds at 16,000 ballpoint pen sa frontliners sa iba’t-ibang lugar sa bansa.
Sa tulong ng Aksyon Demokratiko, nakikita ni Cabochan ang pag-usbong ng mas makataong lipunan, isang lipunan na hitik sa pagmamalasakit at bayanihan.
Wala dapat maiwanan sa pag-unlad ng lipunan, lalo ng ‘yung mga nasa laylayan,” ani Cabochan.
- Latest
