100% namatay sa COVID-19 sa Malabon, hindi bakunado
MANILA, Philippines — Paiigtingin pa ng Malabon LGU ang kani- lang kampanya laban sa COVID-19 at hihikaya-tin ang mga residente na magpabakuna.
Ito’y matapos lumabas sa pinakabagong datos ng Malabon City Health Department at City Epidemiology and Surveillance Unit na lahat ng nasawi sa COVID-19 sa Malabon ay pawang mga hindi bakunado. Nasa 595 na ang bilang ng nasawi sa lungsod dahil sa COVID.
Lumalabas din sa datos ng lungsod na hindi rin bakunado ang lahat ng nakaranas naman ng moderate to critical cases ng COVID-19.
Samantala sa mga nabakunahan, pito sa bawat 10 tinamaan ng COVID-19 ay walang naramdamang sintomas ng virus.
Lumilitaw sa datos na epektibo ang bakuna upang hindi makaranas ng malubhang kaso o masawi sa virus.
Bukod dito, hinihimok ng Malabon LGU ang mga residente na magparehistro o mag-walk in sa mga vaccination site upang mabakunahan at maging protektado laban sa virus.
- Latest