COVID-19 cases sa Pilipinas posibleng lumobo sa 5,300/araw sa Hulyo
MANILA, Philippines — Lalong tumataas ang projections ng mga dalubhasa sa maaaring bilang ng tamaan ng COVID-19 araw-araw sa buong Pilipinas sa susunod na buwan — ito'y kung mananatiling mababa ang nagpapa-booster shots at kumokonti ang sumusunod sa minimum public health standards.
Ito ang sabi ni Health Undersecretary Maria Rosario Vergeire, Martes, sa mga reporters habang ibinabahagi ang panibagong projections ng FASSTER.
"[If] mobility continues to increase, compliance to [minimum public health standards] continues to reduce (20-22% reduction) and booster uptake is maintained at this low level, we MAY see 3,800 to 5,300 daily cases nationally by mid-July," wika ni Vergeire kanina.
Mas malaki ito 'di hamak kumpara sa 1,500 hanggang 2,000 daily new cases ng COVID-19 na unang iprinoject ng Australian Tuberculosis Modelling Network (AuTuMN) para sa Metro Manila sa pagtatapos ng Hulyo.
Aabot pa lang sa 14.86 milyon ang nagpapaturok ng booster doses sa Pilipinas. Ito'y kahit na 70.27 milyon na ang nakakukuha ng kumpletong primary doses.
Bagama't nasa Alert Level 1 ang Metro Manila, kung saan pinakamaluwag at pinapayagan ang 100% capacity ng mga establishment, dahan-dahan na uli tumataas ang kaso ng COVID-19 nitong mga nagdaang linggo.
Lunes lang nang ibalita ng Department of Health na umabot sa 4,634 ang bagong COVID-19 sa nagdaang linggo. Mas mataas ito ng 53% kumpara sa linggo bago ito.
Aabot na sa 3.7 milyon ang tinatamaan ng naturang virus simula nang nakapasok ito ng Pilipinas simula nang nakapasok ito noong 2020. Sa bilang na 'yan, patay na ang namatay na ang 60,518. — James Relativo
- Latest
