US magpapadala ng delegasyon sa panunumpa ni Marcos Jr. sa pagkapangulo
MANILA, Philippines — Magpapadalo ng "presidential delegation" si US President Joe Biden sa inauguration ni president-elect Ferdinand Marcos Jr. — ito matapos nilang mangakong makikipagtulungan.
"President Joseph R. Biden, Jr. today announced the designation of a Presidential Delegation to attend the Inauguration of His Excellency Ferdinand Romualdez Marcos, Jr. on June 30, 2022, in Manila, Republic of Philippines," ayon sa pahayag na inilabas ng White House, Lunes (oras sa Maynila).
"Mr. Douglas Emhoff, Second Gentleman of the United States, will lead the delegation."
Maliban kay Emhoff, magiging bahagi rin ng naturang delegasyon sina:
- Heather Variava (Chargé d’Affaires, ad interim, U.S. Embassy Manila)
- The Honorable Bobby Scott (Chairman of the Committee on Education and Labor, United States Representative, Virginia)
- The Honorable Nani A. Coloretti (Deputy Director, Office of Management and Budget)
- Retired Admiral James “Sandy” A. Winnefeld, Jr. (former Vice Chairman of the Joint Chiefs of Staff )
- The Honorable Edgard D. Kagan (Special Assistant to the President and Senior Director for East Asia and Oceania, National Security Council)
- The Honorable Chantale Y. Wong (U.S. Director of the Asian Development Bank)
Mayo lang nang sabihin ni Bongbong na binati siya ni Biden sa kanyang pagkapanalo sa eleksyon habang umaasang mapalalakas ang alyansa ng Amerika at Pilipinas habang pinalalawak ang bilateral cooperation laban sa COVID-19, climate crisis, atbp.
Dagdag pa nila, pagtutulungan din daw nila ang pagrespeto sa karapatang pantao, bagay na nalabag nang husto sa ilalim ng pamumuno ng ama ni Bongbong noong panahon ng Martial Law ng diktadura ni dating Pangulong Ferdinand Marcos Sr. — James Relativo
- Latest
