Mga proyekto ni Duterte, itutuloy ko – Marcos
MANILA, Philippines — Tiniyak ni President-elect Ferdinand “Bongbong” Marcos Jr. na itutuloy niya ang mga nasimulang programa at proyekto ni Pangulong Rodrigo Duterte na nagbebenepisyo sa mamayang Pilipino.
Sa Youtube channel na pinost ni Marcos, nagpapasalamat din siya sa Pangulo dahil sa pagsuporta sa kanya at kay Vice Pres.-elect Inday Sara.
“I thanked him because somehow he supported Inday Sara and me. I assured him that I will continue his projects that have benefited our country,” pahayag ni Marcos.
Magugunita na nagkita sina Marcos at Duterte sa inauguration ni Sara sa Davao City noong Hunyo 19.
Matatandaan na sinuportahan ni Duterte ang kandidatura ng kanyang anak subalit hindi inindorso ang kandidatura ni Marcos noong May 2022 elections.
Subalit sa kanyang Talk to the People ngayong buwan, hinikayat ni Duterte ang mga Filipino na itigil ang awayan dahil sa pulitika at suportahan ang administrasyon ni BBM.
“I hope that everybody (will) come to terms with the reality that we have a new government and I urge Filipinos to rally behind and support the new leaders. We want the next administration (to be) successful,” wika ni Duterte.
- Latest