Odette, Eleksyon 2022 nagpabagal sa vaccine rollout – Galvez
MANILA, Philippines — Dahilan sa “external factors” kung bakit naging matamlay ang COVID-19 vaccination efforts ng gobyerno.
Ito ang inamin ni vaccine czar Carlito Galvez matapos na iulat ng World Bank na matamlay ang immunization rate sa bansa.
Paliwanag ni Galvez habang nanatiling committed ang pamahalaan na bakunahan ang lahat ng mga Filipino laban sa virus, ang naging pananalasa ng bagyong Odette at ang nalalapit na halalan sa Mayo ang naglilimita sa kakayahan na mapalaki ang partnership sa iba’t ibang sektor.
Iginiit pa niya na anim na rehiyon ang sinalanta ng bagyo na dapat sana ay magsisimula na ang bakunahan subalit napilitan silang suspendihin ang vaccination rollout para tugunan ang pangangailangan ng kanilang mga constituents tulad ng pagkain, gamot at tirahan.
Maging ang paparating na eleksyon ay nakaapekto umano sa nationwide vaccination drive dahil nahahati ang atensyon ng ilang local leaders.
Sa kabila nito umaasa pa rin si Galvez na pansamantalang isantabi ang kanilang personal na interes at unahin ang kalusugan at protektahan ang kanilang constituents lalo na ngayong nakakaranas ang bansa ng panibagong surge ng COVID-19.
- Latest