4 lalawigan inilagay sa Alert Level 4
MANILA, Philippines — Inanunsiyo kamakalawa ng gabi ng Malacañang ang pagsasailalim sa mas mahigpit na COVID-19 Alert Level 4 sa mga probinsiya ng Kalinga, Ifugao, Mountain Province, at Northern Samar simula kahapon, Enero 21 hanggang Enero 31.
Isinasailalim sa Alert Level 4 ang isang lugar kapag umabot na sa 70 porsiyento ang healthcare utilization rate at nakakaalarma ang dalawang linggong growth at average daily attack rates (ADAR).
Samantala, 15 probinsiya naman ang itinaas sa Alert Level 3 na kinabibilangan ng Apayao, Puerto Princesa City, at Masbate in Luzon;
Siquijor sa Visayas; Zamboanga del Norte, Zamboanga Sibugay, Lanao del Norte, Davao de Oro, Davao Oriental, North Cotabato, Sarangani, Sultan Kudarat, Surigao del Norte, Maguindanao, at Basilan sa Mindanao.
Nauna rito, inilagay ng Inter-Agency Task Force (IATF) for the Management of Emerging Infectious Diseases ang Kalinga, Ifugao, Mountain Province, at Northern Samar kabilang ang National Capital Region at 78 iba ang lugar sa Alert Level 3 dahil sa pagtaas ng kaso ng COVID-19.
- Latest
