Gibo, suportado ni Sara sa Senado
MANILA, Philippines — Suportado ni Vice Presidential frontrunner at Davao City Mayor Inday Sara Duterte ang kandidatura ni Gilbert “Gibo” Teodoro sa pagka-senador at tiwalang mananalo ito sa May 2022 elections.
Sa kanyang online program na “Sara All for You”, sinabi ni Mayor Sara na si Gibo ang tinaguriang “The One That Got Away” o TOTGA nang matalo sa 2010 presidential elections. Naging Kalihim si Gibo ng Department of National Defense noong 2007-2009.
Si Gibo ay kandidato sa pagka-senador sa ilalim ng UniTeam na pinangungunahan nina Sara at running mate na si presidential candidate Ferdinand Marcos Jr.
Ayon kay Sara, hindi na magiging TOTGA si Gibo dahil maraming Pilipino ang tutulong dito upang maiupo sa Senado.
Nagpasalamat naman si Gibo na dating Congressman ng Tarlac sa suporta ni Mayor Sara at tiniyak na makakatulong siya sa bansa sakaling mabigyan ng pagkakataon sa Senado.
- Latest