NBI probe sa ‘Comelec hacking’, inilarga
MANILA, Philippines — Nag-umpisa na ng kanilang imbestigasyon ang National Bureau of Investigation (NBI) sa napaulat na ‘hacking’ sa server ng Commission on Elections (Comelec) sa pagsasagawa ng inspeksyon sa bodega nito sa Laguna.
Sinabi ni Justice Secretary Menardo Guevarra na ‘physical security inspection’ pa lamang ang ginawa ng mga tauhan ng NBI-Cybercrime Division at special project team sa pasilidad ng Comelec.
Nilinaw ni Guevarra na mismong ang Comelec ang humingi ng tulong sa NBI para magsagawa ng imbestigasyon sa alegasyon na unang iniulat ng isang pahayagan.
Kasama sa isinagawang inspection ang mga kinatawan ng Smartmatic at mga opisyal ng Comelec.
“Certain documents were turned over to the NBI for validation and authentication. a thorough investigation is now in progress,” dagdag ng kalihim.
Unang itinanggi ng mga opisyal ng Comelec na may naganap na ‘hacking’ at ‘data breach’. Iginiit nila na walang username at PINs ang natangay dahil sa hindi pa naida-download ang mga ito sa kanilang sistema.
- Latest