Mga Pinoy, diplomats sa ‘red list’ papayagang makapasok sa Pinas
MANILA, Philippines — Papayagan nang makapasok sa Pilipinas ang mga Pilipino at mga dayuhang diplomats kahit galing pa sila sa mga ‘red list countries’ bilang pagsunod ng Bureau of Immigration (BI) sa resolusyon ng Inter-Agency Task Force for the Management of Infectious Diseases (IATF).
Sinabi ni BI Commissioner Jaime Morente na hindi na kasama sa travel ban ang mga nabanggit base sa resolusyon na inilabas ng IATF noong Nobyembre 25. Nagpadala rin ng liham ang Department of Foreign Affairs (DFA) sa kanilang nito namang Disyembre 2 ukol sa bagong polisiya.
Idinagdag pa ni Morente na sakop din ng eksempsyon ang mga kuwalipikadong dependents ng mga diplomats tulad ng kanilang asawa at mga legal na anak, na may hawak din na balidong diplomatic o opisyal na pasaporte.
Binilinan na ng Bi ang kanilang mga immigration officers sa iba’t ibang paliparan at ports, maging mga dayuhang airlines, ukol sa bagong travel exemptions.
- Latest
