Zamboanga Peninsula natitirang ‘high risk’ sa COVID-19
MANILA, Philippines — Ang Region IX o Zamboanga Peninsula na lamang ang natitirang nasa ‘high-risk classification’ sa COVID-19 habang patuloy ang pagbaba ng kaso sa ibang parte ng bansa.
Sa datos ng Department of Health (DOH), may 9.24 per 100,000 population na ‘avarage daily attack rate (ADAR)’ pa ang naturang rehiyon habang mataas din ang COVID bed utilization nito na nasa 70.29%, 61.11% sa ventilator utilization, at 54.02% sa ICU utilization.
“Region IX is the sole region with high-risk case classification,” sabi ni Vergeire.
Mula nang maabot ang ‘peak’ noong Setyembre, bumaba na ang mga naitatalang kaso ng 23%.
Ang National Capital Region (NCR) ay nakapagtala ng -54 TWGR at ADAR na 12.28 kada 100,000 populasyon.
Sa kabuuan, nasa ‘moderate risk classification’ ang buong Pilipinas na may -44% ‘two week growth rate’ at ADAR na 8.26 cases kada 100,000 indibiduwal. Bumaba ng 27% ang naitalang kaso sa nakalipas na linggo kumpara sa sinundan nitong linggo.
- Latest
