Tulong sa pagpapauwi ng bangkay ng mga Pinoy na napatay sa giyera sa Benghazi, hingi ng PRC
MANILA, Philippines — Humihingi ng tulong ang Philippine Red Cross (PRC) sa Libyan Red Crescent para mahukay at maiuwi na sa bansa ang mga bangkay ng mga Pinoy na napatay sa giyera sa Benghazi.
Nabatid na noong Setyembre 21, 2021, lumiham si PRC Chairman at CEO, Senator Richard Gordon kay Mr. Marei Abdul Hamid Al-Darsi at sa Libyan Red Crescent (LRC) para mahukay, matukoy at maiuwi na ang mga labi ng anim na biktima, na kinabibilangan ng apat na Pinoy, isang Austrian at isang Czech, na dinukot at pinatay ng mga tauhan ng ISIS noong 2015.
Sa ngayon, ang Phi-lippine Embassy kasama ang International Committee of the Red Cross (ICRC), na kasaluku-yang nakabase sa Tunis, Tunisia, ay nakikipag-coordinate sa LNA at sa forensic specialist nito upang tukuyin at i-deploy ang isang forensic team mula sa National Bureau of Investigation (NBI) sa Derna, Libya upang tumulong.
Ang Austrian at Czech Embassies naman sa Tunis ay humingi ng tulong sa Philippine Embassy upang katawanin sila.
Noong 2019, natukoy na ng mga volunteers at staff ang libingan at nag-initiate ng hakbang upang matukoy ang mga labi ng mga biktima.
Gayunman, dahil sa mga hostilities, border closure, at mga travel restrictions sa pagitan ng Tripoli at Benghazi, hindi masimulan ng embahada ng Pilipinas ang excavation, identification, at malaunan ay repatriation ng mga labi.
- Latest