Patuloy na mag-aral kahit may krisis
Bong Go sa kabataan
MANILA, Philippines — Hinimok ni Senator Christopher “Bong” Go ang mga kabataan na huwag bibitiw sa kanilang pangarap sa pamamagitan ng pagpapatuloy ng kanilang pag-aaral sa kabila ng mga krisis na kinakaharap ng bansa, katulad ng pandemya.
“Sa mga kabataan, para po ito sa inyo. Mag-aral po kayo nang mabuti, kayo po ang kinabukasan ng bayang ito. Pangalawa, sasaya po ang inyong mga magulang kapag nakapagtapos kayo ng pag-aaral,” ayon kay Sen. Go.
Ayon sa senador, napakaimportante ng edukasyon dahil ito ang tanging puhunan sa mundo kahit na may krisis na hinaharap sa paraang ligtas at hindi mailalagay sa peligro ang buhay nila at ng mga pamilya.
Ginawa ni Go ang pahayag matapos siyang mamahagi ng ayuda sa libong indibiduwal at iba’t ibang sectoral groups sa Ayungon at Tayasan, Negros Oriental, bilang bahagi ng kanyang tungkulin na tulungan ang mga naghihirap na komunidad para makabangon sa hamon na hatid ng pandaigdigang pandemya.
Nagsagawa ang grupo ni Go ng relief operation sa Municipal Gym sa Ayungon at sa Brgy. Poblacion Gym sa Tayasan. Igrinupo-grupo ang nasa 265 benepisyaryo bilang pagsunod sa safety at health protocols.
- Latest