Rufa Mae, aktibo na ulit
Balik-telebisyon talaga para maghatid ng good vibes ang Sparkle comedian na si Rufa Mae Quinto sa family sitcom na Tols.
Na-miss daw ni Rufa Mae na magpatawa matapos ang ilang taong paninirahan sa abroad.
Kaya naman sobra-sobra ang kanyang excitement na maging bahagi ng naturang sitcom kung saan nakahanap daw siya ng panibagong pamilya.
Makakasama niya sa programa sina Kelvin Miranda, Shaun Salvador, Abdul Raman, Betong Sumaya, at marami pang iba.
Bongga.
JC, nasa Beautehaus na
Ang sarap naman ng invitation ni Rhea Tan ng Beautederm sa Pampanga.
Inimbita niya ang ilang showbiz editors and writers sa isang out of town meet-and-greet ng kanilang local ambassadors at ipakilala formally sina JC Santos at asawa nitong si Shyleena bilang mga ambassador ng kanyang pag-aaring beauty clinic, ang BeauteHaus.
Bongga, talagang sobra sa busy ngayon ang Rhea dahil nga number one din ang beauty products niya sa market.
At least talagang hindi na siya kailangang magbiyahe sa Manila para sa kanilang mga press event, mismong ang mga iniimbita na lang niya ang pinapupunta niya sa kanyang ‘opisina’, ang five star hotel na Marriott Clark.
Sosyal ‘di ba.
- Latest
