Van Sickle, Phillips bibida sa Alas sa VTV Cup

MANILA, Philippines — Hindi man isinama sa lineup sina collegiate stars Angel Canino, Bella Belen, Alyssa Solomon at Shaina Nitura ay nariyan naman sina Fil-Ams Brooke Van Sickle at MJ Phillips.

Isasalang ng Alas Pilipinas sina Van Sickle at Phillips sa 2025 VTV International Women’s Volleyball Cup sa Hunyo 28 hanggang Hulyo 5 sa Vinh Phuc, Vietnam.

Ayon kay Brazilian coach Jorge Souza de Brito, binigyan lamang niya ng break sina Canino, Belen, Solomon at Nitura matapos ang kampanya ng Nationals sa nakaraang 2025 AVC Women’s Volleyball Nations Cup sa Hanoi, Vietnam.

Nagpakitang gilas ang apat sa Nations Cup kung saan tumapos ang Alas Pilipinas sa makasaysa­yang silver medal sa likod ng nagreynang Vietnam.