Oklahoma binitbit ni SGA sa panalo
OKLAHOMA CITY, Philippines — Inagaw ng top-seeded Thunder ang 114-88 panalo kontra sa Minnesota Timberwolves sa Game 1 para kunin ang 1-0 lead sa kanilang Western Conference best-of-seven championship series.
Hinugot ni star guard Shai Gilgeous-Alexander ang 20 sa kanyang 31 points sa second half para banderahan ang Oklahoma City.
Nagdagdag si Jalen Williams ng 19 markers, habang may 15 at 12 points sina big men Chet Holmgren at Isaiah Hartenstein, ayon sa pagkakasunod.
“We didn’t panic,” sabi ni Gilgeous-Alexander matapos silang malamangan ng Minnesota sa second period bago nakabawi sa second half. “We know if we stuck with it, they would eventually fall and they did.”
Nagsalpak si Gilgeous-Alexander ng mas magandang 8-of-14 field goals sa second half matapos ang maalat na 2-of-13 shooting sa first half.
“I didn’t particularly change my mindset, honestly,” dagdag ng top MVP contender. “I just tried to continue to be aggressive, trust my work.”
Umiskor si Julius Randle ng 28 points para sa sixth-seeded Timberwolves, ngunit may walong marka lamang sa second half.
Nalimitahan si Minnesota star Anthony Edwards, naglista ng averae na 26.5 points per game sa playoffs, sa 18 points mula sa 5-of-13 shooting.
“I definitely got to shoot more. I took 13 shots, but I’ll say probably just get off the ball a little more,” ani Edwards. “Play without the ball. I think that would be the answer, because playing on the ball, they’re just going to double and sit in the gaps all day. So I’ve got to go watch some film and take it apart and figure it out.”
Nakatakda ang Game 2 bukas sa Oklahoma City.
Dalawang araw lamang ang nakakaraan nang patalsikin ng Oklahoma City ang Denver Nuggets sa Game 7 ng kanilang conference semifinals showdown.
Isang linggo naman nagpahinga ang Minnesota matapos sibakin ang Golden State Warriors sa Game 5 ng kanilang serye.
Tinapos ng Timberwolves ang first half bitbit ang 48-44 kalamangan tampok ang 20 points ni Randle kasama ang limang three-pointers.
May 11 markers naman si Gilgeous-Alexander sa panig ng Thunder mula sa mahinang 2-of-13 shooting.
- Latest
