SGA babantayan ng kanyang pinsan
Sa Western Conference Finals
OKLAHOMA CITY — Inaasahang makakatapat ni Thunder superstar guard Shai Gilgeous-Alexander ang kanyang pinsan na si Nickeil Alexander-Walker ng Minnesota Timberwolves sa kanilang Western Conference championship series.
Susubukan ni Alexander-Walker na limitahan si Gilgeous-Alexander na nagposte ng mga averages na 29.0 points, 6.4 assists, at 5.9 rebounds sa postseason.
“He’s been through every stage of life with me — picking up a basketball to going to prep school to making the NBA, we’ve gone through every situation together,” wika ni SGA sa kanyang pinsan.
Kagagaling lamang ng Oklahoma City sa 125-93 pagpapatalsik sa Denver Nuggets sa Game 7 ng kanilang semifinals showdown kamakalawa.
Tinapos ng Thunder sa 4-3 ang kanilang serye ng Nuggets habang kaagad pinatalsik ng Timberwolves ang Golden State Warriors, 4-1, sa kanilang bakbakan sa semis.
Parehong may 2-2 record ang OKC at Minnesota sa kanilang four-game season series.
Muling makakatuwang ni Gilgeous-Alexander sa OKC si Jalen Williams katapat sina Anthony Edwards at Julius Randle ng Minnesota.
Humataw si Edwards ng 26.5 points, 8.0 rebounds at 5.9 assists per game averages para sa Timberwolves.
- Latest
