Daep ‘ibinigay’ ng Perpetual sa La Salle

MANILA, Philippines — Pormal na ‘ibinigay’ ni University of Perpetual Help System DALTA (UPHSD) Vice President for Sports Anton Tamayo si NCAA Season 100 Season at Finals MVP Lebron Jhames Daep sa De La Salle University sa isang simpleng seremonya.

Ang 6-foot-7 na si Daep ang naging susi sa paghahari ng Junior Altas sa nakaraang Season 100 juniors basketball championship series laban sa St. Benilde-La Salle-Greenhills Greenies.

Ito ang unang NCAA crown ng Perpetual sa juniors man o seniors basketball.

Mula kay Junior Altas coach Joph Cleopas ay maglalaro si Daep para kay mentor Topex Robinson sa Green Archers sa Season 88 UAAP men’s basketball tournament.

Nagtala ang anak ni dating PBA player Rommel Daep ng mga averages na 15.0 points, 8.0 rebounds, 1.0 assists, 1.2 steals at 1.0 block per game sa elimination round ng NCAA Season 100.

Sa kanyang pagpasok sa Green Archers ay makakasama ng 18-anyos na si Daep ang mga transferees na sina Mason Amos, Jacob Cortez, Kean Baclaan at Luis Pablo.