Warriors sibak sa T-Wolves
MINNEAPOLIS — Kumamada si Julius Randle ng 29 points sa 121-110 pagsibak ng Minnesota Timberwolves sa Golden State Warriors sa Game 5 ng kanilang Western Conference semifinals showdown.
Naglista si Anthony Edwards ng 22 points at 12 assists sa 4-1 pagtapos ng Timberwolves sa kanilang semis showdown ng Warriors papasok sa conference finals katapat ang mananalo sa semis series ng Denver Nuggets at Oklahoma City Thunder.
Bumira si Brandin Podziemski ng playoff career-high 28 points para sa Golden State.
Nag-ambag si Jonathan Kuminga ng 26 markers para sa Warriors na nakabangon mula sa isang 25-point deficit sa third period para makalapit sa 90-99 sa 7:11 minuto ng fourth quarter.
Ngunit nag-init ang mga kamay ni Edwards para tulungang makalayo ang Minnesota.
Sa Boston, bumanat si Derrick White ng 34 points, tampok dito ang pitong three-pointers, para igiya ang nagdedepensang Celtics sa 127-102 panalo sa Game 5 para makaiwas sa pagkakasibak sa New York Knicks sa kanilang Eastern Conference semifinals series.
- Latest
