DILG tutulong sa Tour of Luzon
MANILA, Philippines — Tutulong ang Department of the Interior and Local Government (DILG) para sa maayos at matagumpay na pagdaraos ng Tour of Luzon na papadyak sa Abril 24 sa Paoay, Ilocos Norte.
Ito ang sinabi ni DILG Secretary Juanito Victor “Jonvic” Remulla sa isang memorandum para sa pagsuporta ng mga local government units sa eight-stage tour.
“The revival of this very popular cycling event in the country can foster sports consciousness capable of promoting camaraderie and the spirit of competitiveness among our people,” wika ni Remulla na inaasahang dadalo sa opening ceremony ng “The Great Revival” sa Miyerkules kasama si Philippine Olympic Committee at PhilCycling president Abraham “Bambol” Tolentino.
Nagpasalamat si DuckWorld PH chairman at Tour organizer Partrick “Pato” Gregorio sa DILG chief.
“We are grateful for this support from Secretary Jonvic because the Tour of Luzon isn’t just about cycling and sports, the LGUs are very much involved in this event,” wika ni Gregorio sa event na inihahandog ng MVP Group na Metro Pacific Tollways Corp. (MPTC) sa pamumuno ni Chief Regulatory Officer Arrey Perez, ang Tour executive director.
Ang individual overall winner ay mag-uuwi ng P500,000 habang ang overall team champion ay tatanggap ng P1 milyon.
Dadaanan ng Tour ang halos 60 cities at municipalities sa pitong probinsya sa North at Central Luzon—Ilocos Norte, Ilocos Sur, La Union, Pangasinan, Tarlac at Pampanga.
Kabuuang 17 teams na kinabibilangan ng 119 riders ang sasabak sa Tour na suportado rin ng Meralco, Metro Pacific Investment Corporation, Maynilad, Smart, PLDT, Landco Pacific Corporation, mWELL at Megaworld.
Kasama rito ang mga foreign teams na CCN Factory HK ng Hong Kong, Malaysia Pro Cycling, Bryton Racing Team ng Taiwan at Gapyeong Cycling Team ng South Korea.
Ang 1,074.90-kilometer Tour of Luzon ay sisimulan sa Abril 24 sa isang 190.70-km Paoay-Paoay Stage 1 kasunod ang 68.39-km Paoay-Vigan team time trial Stage 2, 130.33-km Vigan-San Juan Stage 3, 162.97-km Agoo-Clark Stage 4, 166.65 Clark-Clark (via New Clark City) Stage 5, 168.19 Clark-Lingayen Stage 6, 15.14-km individual time trial Labrador-Lingayen Stage 7 at ang panapos na 172.53-km Stage 8 mula Lingayen hanggang sa Scout Hill sa loob ng Camp John Hay sa Baguio City.
- Latest
