Warriors wagi sa Grizzlies para No. 7 seat

SAN FRANCISCO -- Nag­yakapan nang mahig­pit sina Jimmy Butler at Ste­phen Curry matapos ang laro.

Humakot si Butler ng 38 points, 7 rebounds at 6 assists, habang may 37 markers si Curry sa 121-116 panalo ng Golden State Warriors sa Memphis Grizzlies sa pagdribol ng Play-In Tournament.

Sinikwat ng Warriors ang No. 7 spot sa Western Conference para hamunin ang No. 2 Houston Roc­kets sa best-of-seven first-round series.

“It took 83 games but we’re right where we want to be, which is back in the playoffs and we’ve got a chance,” sabi ni head coach Steve Kerr.

Pinamunuan ni Desmond Bane ang Grizzlies sa kanyang 30 points kasunod ang 22 markers ni Ja Morant.

Sasagupain nila ang ma­nanalo sa laro ng Dallas Mavericks at Sacramento Kings para sa agawan sa eighth playoff spot.

Isinalpak ni Curry ang magkadikit na three-pointer sa huling minuto ng fourth quarter kasunod ang apat na free throws sa huling mga segundo ng laro para selyuhan ang panalo ng Golden State.

Sa Orlando, tumipa si point guard Cole Anthony ng 26 points at 6 assists para gabayan ang Magic sa 120-95 pagpulutan sa At­lanta Hawks.

Kumolekta si forward Paolo Banchero ng 17 points, 9 rebounds at 7 assists para sa Orlando, ha­bang may 19 markers si Wendell Carter Jr.

Hahamunin ng Magic ang No. 2 at nagdedepensang Boston Celtics sa Eastern Conference first-round playoff series.

“They went on their own run and we weathered the storm. We didn’t let them back in the game from that point on,” wika ni Anthony sa Hawks na nakakuha kay Trae Young ng 28 points bago nasibak sa 4:47 minuto laro dahil sa kanyang ikalawang technical foul.

Lalabanan ng Atlanta para sa No. 8 seat ang ma­nanaig sa duwelo ng Chi­cago Bulls at Miami Heat.