Chua tumumbok ng 2 korona sa Vietnam
MANILA, Philippines — Muling inilabas ni Pinoy cue master Johann Chua ang tikas nito upang makasungkit ng dalawang korona sa ilang international tournaments na ginanap sa Vietnam.
Inilatag ni Chua ang husay nito para patumbahin si Nguyen Truong Quoc ng host Vietnam sa championship round sa pamamagitan ng 13-7 desisyon para masiguro ang korona sa 2025 Dragon Billboard Pro Series.
“We got it again. Champioon of Dragon Pro Series. I was supposed to go home last April 7 after the Hoang Phu Tho Tournament. My Aplus Family offered us to extend and join two more tournaments. Who would’ve thought, here we are. We’re able to take home another trophy,” ani Chua sa kanyang post sa social media.
Nagpasalamat ito sa kanyang mga fans na patuloy na sumusuporta sa kanya hindi lamang sa mga Pinoy na nanood sa venue maging sa mga Vietnamese na sumusuporta sa kanya,
“Thank you as well to my Vietnamese fans, enthusiasts and to all my supporters who always watch my games. To my kababayans, Thank you sa pag-abang sa mga laro ko at pag suporta sa aming atletang Pilipino,” ani Chua.
Nauna nang nakasikwat ang 32-anyos Pinoy bet ng korona sa 2025 Hoang Phu Tho Pool Arena Open kung saan tinalo nito ang isa pang Vietnamese na si Dung Dau Moi sa gold-medal match sa iskor na 13-8.
- Latest
