5-peat target ng Perpetual Altas
Sa NCAA season 100 men’s volleyball
MANILA, Philippines — Sisimulan ng University of Perpetual Help System DALTA ang misyon para sa ‘five-peat’ sa paghataw ng NCAA Season 100 men’s volleyball tournament bukas sa San Sebastian College Recoletos (SSCR) Gym sa Recto, Manila.
Masusubukan ang galing ng bagong head coach na si Macky Cariño na pumalit sa namayapang si multi-titled at legendary coach Sammy Acaylar para ipagpatuloy ang winning tradition ng Perpetual Help na nagdiriwang ng ika-50 founding anniversary.
“We will try our best to continue the winning tradition of coach Sammy and we also dedicate each of our games to him,” wika ni Cariño.
Pumanaw si Acaylar noong Enero 30 dahil sa atake sa puso.
Siya ang tinaguriang arkitekto ng 14 titles ng Altas NCAA men’s division simula ng ito ay nag-coach sa naturang paaralan.
Unang makakatapat ng Perpetual ang San Beda University sa kanilang opening game sa Pebrero 22 sa SSCR Gym para sa home-and-away first round elims.
Ipaparada ng Altas sina team captain KC Andrade, Jefferson Marapoc, Kirth Patrick Rosos, setter Klint Mateo, Kobe Tabuga, John Castil, Dexter Arrozado, John Lituania, James Pascua at Henzron Manaloto
Isasalang din sina rookies Kyle Gelogo, Renz Engay, Steff Rosete, Karl Jestre at mga liberos na sina Annrey Galila at Magrey Abrencillo.
- Latest
