Anthony, Howard finalists sa Hall of Fame
SAN FRANCISCO — Inilista ang mga pangalan nina dating NBA stars Carmelo Anthony at Dwight Howard bilang finalists para sa Naismith Memorial Hall of Fame.
Sina Anthony at Howard ay mga miyembro ng 2008 U.S. Olympic team na kumuha sa gold medal sa Beijing Games na tinawag na “Redeem Team”.
“Selection as a finalist for the Class of 2025 Naismith Basketball Hall of Fame is a remarkable achievement, signifying a career of excellence and lasting influence on the game,” ani Hall of Fame chairman Jerry Colangelo na tumayong managing director ng 2008 Olympic team.
Si Anthony, isang 10-time All-Star, ay No. 10 sa NBA all-time scoring list sa kanyang kinamadang 28,289 points.
Binanderahan din niya ang Syracuse sa collegiate national championship noong 2003.
Nakilala naman si Howard bilang isang three-time NBA Defensive Player of the Year noong 2009 hanggang 2011.
Pinamunuan niya ang Orlando Magic sa 2009 NBA Finals at nanalo ng NBA championship sa Los Angeles Lakers noong 2020.
- Latest
