Creamline ‘di papaawat sa Farm Fresh Foxies

MANILA, Philippines — Ikakasa ng nagdede­pen­sang Creamline ang pang-siyam na sunod na pa­nalo sa pagsagupa sa Farm Fresh sa 2024-25 Premier Volley-ball League (PVL) All-Filipino Confe­rence.

Haharapin ng Cool Sma­­­shers ang Foxies nga­yong alas-6:30 ng gabi ma­tapos ang upakan ng mainit na Petro Gazz Angels at Ca­pital1 So­lar Spi­kers sa alas-4 ng ha­pon sa PhilSports Arena sa Pa­sig City.

Solo ng Creamline ang liderato sa kanilang 8-0 kar­­tada sa itaas ng Petro Gazz (7-1), Cignal HD (6-3), PLDT (6-3), Choco Mu­cho (6-3), Akari (5-5), Chery Tiggo (5-5), ZUS Coffee (4-5), Farm Fresh (4-5), Ga­leries Tower (1-8), Capital1 (1-8) at Nxled (1-8).

Humataw ang Cool Sma­­shers ng 25-17, 25-17, 25-21 panalo kontra sa Crossovers sa huli nilang laro kung saan pumalo si middle blocker Bea de Leon ng 13 points.

“I think like what coach Sherwin (Meneses) said, ma­­haba pa ang laban,” sabi ni De Leon. “Of course, it’s a nice place to be in now pero mahabang mahaba pa ‘yung season, sobrang dami pa naming tatrabahu­hin.”

Minalas naman ang Fo­xies sa High Speed Hitters, 20-25, 17-25, 19-25, sa huli nilang laban.

Muling makakatuwang ni De Leon para sa Creamline sina Jema Galanza, Alyssa Valdez, Bernadeth Pons, Tots Carlos at Kyle Negrito.

Itatapat ng Farm Fresh sina Trisha Tubu, Caitlyn Vi­ray, Jolina Dela Cruz, Rizza Cruz at Ra­chel Ann Daquis.

Samantala, target ng Petro Gazz ang pang-pi­tong sunod na panalo kontra sa Capital1 na nasa five-game losing slump.