Ika-4 dikit kinana ng Thunder sa Raptors

OKLAHOMA CITY — Kumamada si Jalen Williams ng 27 points habang may 25 markers si Shai Gilgeous-Alexander sa 121-109 paggupo ng Thunder sa Toronto Raptors.

Balik-aksyon si 7-foot-1 forward Chet Holmgren matapos ang tatlong buwan dahil sa kanyang pagrekober sa pelvic fracture at tumipa ng 4 points, 5 rebounds at 4 blocks para sa Oklahoma City (41-9).

Nagdagdag si Aaron Wiggins ng 18 points para sa kanilang ikaapat na sunod na ratsada.

Umiskor si Scottie Barnes ng 21 points at may 17 markers si Gradey Dick sa ikatlong dikit na kabiguan ng Toronto (16-36).

Kinuha ng Thunder ang 58-47 halftime lead patungo sa 79-64 pagbaon sa Raptors sa third period.

Sa Washington, buma-nat si Donovan Mitchell ng 33 points at may 27 markers si Evan Mobley sa 134-124 pagtusok ng Cleveland Cavaliers (42-10) sa Wizards (9-42).

Sa New York, nagtala si Cam Johnson ng 18 points at may 17 markers si D’Angelo Russell sa 102-86 pagdaig ng Brooklyn Nets (18-34) sa Miami Heat (25-25).

Sa Atlanta, umiskor si Trae Young ng 24 points sa 115-110 pagdagit ng Hawks (24-28) sa Milwaukee Bucks (27-23).

Sa Phoenix, bumanat si Devin Booker ng season-high 47 points sa 135-127 overtime win ng Suns (36-25) sa Utah Jazz (12-38).

Sa Charlotte, kumonekta si Miles Bridges ng isang 3-pointer sa huling 1.4 segundo para tulungan ang Hornets (13-36) sa 117-116 pag-eskapo sa San Antonio Spurs (22-27).