Suzara bibisita sa PSA Forum ngayon
MANILA, Philippines — Si bagong Asian Volleyball Confederation (AVC) president Ramon ‘Tats’ Suzara ang magiging special guest sa Philippine Sportswriters Association (PSA) Forum ngayong umaga sa conference hall ng Rizal Memorial Sports Complex sa Vito Cruz, Manila.
Tatalakayin ni Suzara ang mga nakalinya sa volleyball calendar tampok ang pamamahala ng bansa sa 2025 FIVB Men’s Volleyball Championship.
Magiging bahagi rin ng pang alas-10:30 ng umagang sesyon ang global running phenomenon Rock ‘n Roll Running Series in Manila
Ilalahad ni Princess Galura, ang president at general manager ng Sunrise Events Inc. at bahagi ng IRONMAN Group, kasama si race director Julian Valencia ang mga aktibidad sa nasabing special event.
Makakasama rin nila sina Charlie Dungo, department head ng Department of Tourism, Cultural and Arts Manila, at Rina Reganit, marketing manager ng Alveo Land Inc.
Matapos ang PSA Forum ay magkakaroon si world-ranked pole vaulter EJ Obiena ng press conference handog ng MILO sa Joy Nostalg Hotel sa Ortigas.
Ang sesyon ay inihahandog ng San Miguel Corporation, Philippine Sports Commission, Philippine Olympic Committee, MILO, Smart/PLDT at 24/7 sports app na Arena Plus.
Ang public sports program ay naka-livestream sa PSA Facebook page na fb.com/PhilippineSportswritersAssociation at isinasaere sa Radyo Pilipinas 2 at sa kanilang official Facebook page.
- Latest
