Team USA vs Serbia sa semis
PARIS — Kinumpleto ng Team USA ang semifinals cast ng 2024 Paris Olympics men’s basketball matapos sibakin ang Brazil, 122-87, sa kanilang quarterfinals game.
Pinaglaro ni coach Steve Kerr ang kanyang 12 players kung saan anim ang umiskor ng double figures sa pangunguna ng 18 points ni Devin Booker habang may 17 markers si Anthony Edwards mula sa bench.
Ito ang pinakamaraming iniskor ng mga Americans sa Olympics matapos ang 126-97 paggupo sa Argentina noong 2012 edition sa London.
Lalabanan ng Team USA sa semifinals si three-time NBA MVP Nikola Jokic at ang Serbia na pinatalsik ang Australia via overtime, 95-90.
Samantala, maghaharap sa isa pang semis match ang host France at FIBA World Cup champions Germany.
Sinibak ng France si Shai Gilgeous-Alexander at ang Canada, 82-73, habang pinatalsik ng Germany si Giannis Antetokounmpo at ang Greece, 76-63, sa quarterfinals.
- Latest
