Labadan kumuha ng tiket sa World Gymnastics Championships
MANILA, Philippines — Magbabalik si Pinay gymnast Breanna Labadan sa world championships matapos pumuwesto sa pang-siyam sa individual all-around finals ng 14th Rhythmic Gymnastics Asian Championships kahapon sa Ninoy Aquino Stadium.
Kumolekta ang 16-anyos na si Labadan ng kabuuang 110.40 points sa torneong inorganisa ng Gymnastics Association of the Philippines (GAP) at sinuportahan ng Philippine Sports Commission (PSC).
“Although I could have done better, I am nevertheless happy with the outcome of my performance so I can return to the worlds,” wika ng 5-foot-2 Pinay gymnast.
Umiskor siya ng 26.10 sa hoops, 29.40 sa ball, 28.30 sa clubs at 26.45 sa ribbon.
Mas mataas ito kumpara sa iniskor niya sa 2022 edition ng torneong idinaos sa Pattaya, Thailand.
“This is her best result in the Asian championships and the best result for your country so I am very happy about her performance because last year she was 13th,” ani Hungarian coach Dora Vass kay Labadan.
Ayon kay Vass, noong Huwebes pa ay nakamit na ni Labadan ang tiket para sa FIG Rhythmic Gymnastics World Championships na nakatakda sa Agosto 23 hangang 27 sa Sofia, Bulgaria.
“My athlete was within the cut in three events - ball, clubs and ribbon - during the qualifiers that earned her another trip to the worlds,” wika ng dating Hungarian national athlete
“We would like to congratulate Breanna for her top 10 finish in the individual all-around finals,” sabi ni GAP president Cynthia Carrion.
Napanatili ni Takhmina Ikromova ng Uzbekistan ang individual all-around crown sa iskor niyang 132.20 points kasunod sina Eizhana Taniyeva (128.350) ng Kazakhstan at Wang Zilu (121.80) ng China para sa silver at bronze, ayon sa pagkakasunod.
- Latest
